Link açıqlığı

Saatnıñ esas haberi

Qırımda Rusiye akimiyeti tarafından zapt etilgen Meclis binası üzerinde mahkemeler devam ete


Aqmescitte Qırımtatar Milliy Meclisiniñ binası «Qırım» Fondu»nıñ mülkiyeti ola ve oña nisbeten mahkeme ketişatları alıp barılğanı sebebinden başqa bir kimsege teslim etilemez.

Bu aqta fondnıñ baş müdiri Riza Şevkiyev Qırım.Aqiqatqa bildirdi. Onıñ sözlerine köre, nevbetteki mahkeme toplaşuvı cuma künü, oktâbr 16-da, keçirilecek.

«Mahkeme ketişatı devam ete, toqtatılmadı. Mahkemeleşmege devam etеmiz. Bugün Aqyarda mahkeme toplaşuvı keçirilecek, bu binada tamir işleri onıñ (Qırımnıñ rusiyeli akimiyeti – QA) aytqanı kibi, 2014 senesi qadar degil de, 2010 senesine qadar alıp barılğanını tasdiqlamaq içün ekspert teşkerüvini keçirmek kibi talabımız baqılacaq», – dey o.

Fondnıñ başı şunı da qayd etti ki, Qırımnıñ rusiyeli akimiyeti tarafından zapt etilgen Meclis binasınıñ meselesi İnsan aqları boyunca Avropa mahkemesinde baqıla.

«Avropa mahkemesine arizanı berdim. Eki aydan ziyade keçti, baqıla, Avropa mahkemesiniñ qararını bekleyim. Menimce, vaziyetimiz muvafaqiyetlidir», – dey o.

Riza Şevkiyev şunı hatırlattı ki, Qırım Rusiye tarafından işğal etilgeninden soñ, yarımada akimiyeti «faal sürette «Qırım» fondunı yoq etmege başladı».

Qırım Rusiye tarafından 2014 senesi fevral 20 künü işğal etildi. Ukraina Yuqarı Radası bu tarihnı yarımada işğaliniñ başlanuvı künü olaraq ilân etti.

XS
SM
MD
LG