Cumaertesi, oktâbr 17 künü, Keriç parom keçiti rayonında yel küçüniñ artması beklenile. Bu sebepten paromlarnıñ areketi toqtatıla bile.
«Yelniñ saniyede 15-17 metr qadar armtası beklenile. Böyle alda port nezareti ya da paromlarnıñ kapitanları gemilerniñ işini toqtata bileler. Amma, ameliyatqa binayen, yelniñ 15 m/s olması vaqıtta paromlar episi bir yüre bile», – dep añlattılar RİA Krım agentligine «Deñiz müdirligi» şirketinde.
Bildirilgeni kibi, al-azırda Keriç keçiti adetiy rejiminde çalışa. «Kavkaz-Qırım» yolağında künde sekiz sefer keçirigen beş parom çalışa. Paromnı beklev müddeti bir saatten ziyade degil.
Oktâbr 12 künü keçit Keriç boğazında yel küçüniñ artması ve furtuna havfı sebebinden işini toqtattı.
