Link açıqlığı

Saatnıñ esas haberi

İşğalden soñ Qırımnı 50 biñ insan terk etti – «Qırım diasporası»


Qırımdan işğalinden soñ mecburen köçip kelgenlerniñ sayısı 50 biñni teşkil ete, dey «Qırım diasporası» cemaat teşkilâtınnı başı Anatoliy Zasoba.

Bu aqta o oktâbr 16 künü Qırım.Aqiqat Radiosınıñ efirinde bildirdi.

O dey ki, bu onıñ teşkilâtınıñ malümatıdır, resmiy esabatlarğa köre, Qırımdan bir 20 biñ insan köçti.

«Bizim malümatımızğa köre, bir 50 biñ insan, amma bunı şimdi kontrol etmege ve belgilemege qıyın, çünki qıtaiy Ukrainada bulunğan insanlarnıñ yekâne bir qayd etüv sisteması yoq», – dey Zasoba.

O bergen malümatında emindir ve bunı teşkilâtı insanlar ile faal iş alıp barğanı ile añlata.

«Faaliyetimiz, insanlar ile munasebetimizden körüne, biznen bağ qurğanlarğa baqıp, olardan qaç insan qayd etildi, ne qadarı – yoq, buña köre resmiy raqam aqiqatqa uymağanını añlamaq mümkün», – dey Zasoba.

Onıñ sözlerine köre, köçip kelgenlerniñ «yoqsul ve milliarder»ler kire bile. Esasen yarımadadan balalı qorantalar çıqa, esli başlılarnıñ sayısı daa da az.

Fevqulâde işler boyunca Ukraina Devlet hızmetiniñ malümatına köre, Qırım ve Aqyardan köçip kelgenlerniñ sayısı – 21 biñ 144 insandır.

Qırım Rusiye tarafından 2014 senesi fevral 20 künü işğal etildi. Ukraina Yuqarı Radası bu tarihnı yarımada işğaliniñ başlanuvı künü olaraq ilân etti.

XS
SM
MD
LG