Qırımnıñ rusiyeli başı Sergey Aksenov aytqanı kibi, yarımada inkişafında acele qararlarnı almaq içün oña vekâlet yetişmey.
Bunı o Qırımnıñ cemiyet palatası toplaşuvında bildirdi.
«Bugün vali olaraq aqsızım. Federal, uquq qoruyıcılarğa, yerli akimiyetniñ icraiy organları temsilcilerine tesirim iç te yoq, tazir bile seslendirip olamayım. Bugün acele qarar almalımız demege iç vekâlet yoq», – dep bildire Aksenovnıñ sözlerini «RİA Novosti» agentligi.
Onıñ sözlerine köre, «cumhuriyette effektiv idare şeklini» meydanğa ketirmek kerek.
2015 senesi iyül ayında Aksenovnıñ uquq qoruyıcı ve federal organları ile açıq ziddiyetleri qayd etile edi. Bu zaman devamında qaparcılıqta şeklengen yerli memurlarnıñ yaqalanuvı ile bağlı adiseler yüz berdi.
Bundan soñ Aksenov «memurlarnıñ aqlarını qoruv» komissiyasınıñ teşkil etilmesi aqqında bildirdi.
