Link açıqlığı

Qırım qamaçavında militsiya ve uquq qoruyıcılarnıñ rolüni Qırım.Aqiqat Radiosınıñ efirinde muzakere etecekler


Qırım qamaçavında militsiya ve uquq qoruyıcılarnıñ rolü, yarımada ile memuriy sıñırda yüz bergen ziddiyetler oktâbr 15 künü Qırım.Aqiqat Radiosınıñ aqşam efirinde muzakere etilecek.

Programma musafirleri – ATR qırımtatar telekanalınıñ müdir muavini, qamaçav idarecilerinden biri Ayder Mujdabayev, ATR qırımtatar telekanalınıñ müdiri, «Qırımnıñı vatandaşlıq qamaçavı» aktsiyası ştabınıñ başı Lenur İslâmov ve «Yol nezareti» leyhasınıñ faali Aleksey Zadorojnıy. Programma alıp barıcısı Aleksandr Yankovskiy.

Yayın iş künleri saat 8:35 ve 18:30 orta dalğalarda 549 kgts sıqlığında efirge çıqa.

Efirge (044) 490-29-05 nomeralı telefon vastasınen bağlanmaq mümkün.

Qırımnıñ büyük qısmında radionı diñlemege imkân bar.

Diñleyiciler crimea.reality@gmail.com elektron adresine mektüplerini yollay bileler. Qırım.Aqiqat Radiosını Qırım.Aqiqat saytında diñlemege mümkün.

Qırım.Aqiqat Radiosı Ukraina Haber siyaseti nazirliginiñ Qırımda radio yayınlavınıñ teklinmesi boyunca leyhasınıñ ekinci basamağı çerçivesinde işlep çıqarıldı.

XS
SM
MD
LG