Link açıqlığı

Meclis reisi ve Qırım jurnalisti Ganışnıñ işi boyunca mahkemege şaat olaraq çağırıldılar


Kiyevniñ Dneprovsk rayon mahkemesi oktâbr 15 künü QMC Yuqarı Radasınıñ devlet hainliginde qabaatlanğan sabıq deputatı Vasiliy Ganışnıñ işini baqmağa başladı.

Qırım.Aqiqatqa Ganışnıñ advokatı Andrey Rudenko aytqanı kibi, cumaaqşamı, oktâbr 15 künü, «devlet qabaatınıñ tam metni seslendirildi, şaatlarnı belgilediler».

«Nevbetteki toplaşuvnı qabaat ve imaye tarafından şaatlarnıñ sorğusından başlarmız», – dedi o.

Şu cümleden, şaat olaraq mahkemege Qırımtatar Milliy Meclisiniñ reisi Refat Çubarov ve Qırım jurnalisti Aleksandr Yankovskiy çağırıldı.

Rudenkonıñ sözlerine köre, nevetteki toplaşuv sentâbr 26 künü saat 14:30 keçirilecek.

Advokat imayesi altında bulunğannıñ sağlığı aqqında bildirdi: «Vasiliy Vasilyeviçniñ sıcağı bar edi. Alâ daa yürek ekiminde tam baquvnı keçirmediler».

Aprel 28-de Ukraina havfsızlıq hızmeti Ukraina Devlet sıñır hızmeti ile beraber onı Qırım çıqışında yaqaladılar. Ganış apiske alındı, çünki onı qıdıra ediler. Baş prokuratura onı devlet hainliginde şekley. Ukraina taqiqatçılarınıñ malümatına köre, Ganış Qırım statusı aqqında «referendum» keçirilmesine rey bergenlerden biri edi, ve böyle etip Ukraina topraq bütünligine zarar ketirmege tırıştı.

Qırım Rusiye tarafından 2014 senesi fevral 20 künü işğal etildi. Ukraina Yuqarı Radası bu tarihnı yarımada işğaliniñ başlanuvı künü olaraq ilân etti.

XS
SM
MD
LG