Link açıqlığı

UNESKO İcraiy şurasınıñ 197 sessiyası çerçivesinde, programma ve tış munasebet meselelerinden komissiya toplaşuvında Qırım Muhtar Cumhuriyetinde vaziyetniñ teşkerüvi aqqında qarar aldılar.

Ukraina Tış işler nazirliginiñ matbuat hızmeti bildirgeni kibi, bu qarar UNESKO organınıñ 12 memleket-azası ile birlikte Ukraina teşebbüsi ile alındı.

«Qarar leyhasına AB 28 azasından 26 (Malta ve Hirvatistandan ğayrı) qol tuttı, Kanada, Norvegiya, AQŞ, Türkiye, İsveçre ve Yaponiya da şu sırada. Vesiqa Qırımtatar Milliy Meclisiniñ reisi, Ukraina halq deputatı Refat Çubarovnıñ tarafından icraiy komitet baquvına berildi», – denile beyanatta.

Rusiye QMC vaziyetiniñ teşkerüvine qarşı çıqıp, bunı «UNESKO faaliyetiniñ siyasetleştirilmemesi ve mustaqil devletlerniñ işlerine qarışmaması ile añlattı».

Dört memleket qarşı çıqtı: Rusiye Federatsiyası, İndistan, KHC, Kuba.

Qırım Rusiye tarafından 2014 senesi fevral 20 künü işğal etildi. Ukraina Yuqarı Radası bu tarihnı yarımada işğaliniñ başlanuvı künü olaraq ilân etti.

XS
SM
MD
LG