Qırımtatar Milliy Qurultayınıñ Merkeziy saylav komissiyasınıñ başı Zair Smedlâyev dey ki, yarımadada camilerni ateşke berüvde şeklengen şahıslar alâ daa tapılmağan.
«Qurban bayram arfesinde ve bayram künü Saq şeeri ve Qurman rayonı Qara Asan köyünde camilerniñ ateşke berüvinden eki yıl keçti. Alâ daa bu cinayetni etkenler tapılmadı, bundan soñ daa üç camini ateşke berdiler, cinayetçiler tapılmadı», – yazdı Smedlâyev Facebookta.
Qırımda uquq qoruyıcılar camilerniñ ateşke berüvinden soñ cinaiy işlerniñ açılması aqqında bildire edi, amma taqiqat neticeleri alâ daa yoq.
