Link açıqlığı

Saatnıñ esas haberi

Rusiye Qırımda olayatqan adiseler içün mesuliyetlidir, şu cümleden insan aqlarınıñ bozuluvı içün, çünki onı işğal etti, dey İnsan aqları boyunca Avolpa mahkemesiniñ işlerinden akimiyet vekâletlisi Boris Babin.

Bunı o Qırım.Aqiqat Radiosınıñ saba efirinde oktâbr 15 künü bildirdi.

«Rusiye özüne qoşmasa bile, episi bir işbu territoriyada insan aqlarınıñ bozuluvı içün mesuliyetli olacaq edi. Buña misal Rusiyege qarşı Avropa mahkemesiniñ Pridnestrovye boyunca qararı, Türkiyege qarşı Şimaliy Qıbrıstan boyunca ve ilâhre. Yani, işbu ceet şimdi bir şey deñiştirmey», – dey ekspert.

O dey ki, Avropa mahkemesi siyaset ile oğraşmay, o aqiqaten işbu bozuluvlar içün kim mesulieytli olğanını bilmeli.

Ukraina Rusiyege qarşı endi 4 davanı açtı. Bu davalarda Qırım işğali ve Donbasstaki arbiy areketlerden sebep insan aqlarınıñ bozuluvı qayd etilgen. Ukraina Tış işler naziri Pavlo Klimkin aytqanı kibi, Ukraina halqara mahkemelerde Qırım işğal ve Donbass qısmınıñ işğali içün Rusiyeden 50 mlrd dollar miqdarında tazminni ödemege talap ete.

XS
SM
MD
LG