Link açıqlığı

Qırımda deputatlar Rusiyeni yarımada sakinleriniñ ukrain vatandaşlığını saqlamağa rica eteler


Qırımnıñ Rusiye parlamentiniñ deputatları Rusiye qanuniyetiniñ qırımlılarnıñ ekinci vatandaşlığı aqqında mıtlaqa haber etmek kerekligi ile bağlı qararına deñişüvlerni kirsetmege teklif eteler.

Bunı Qırımnıñ rusiyeli Devlet şurasınıñ matbuat hızmeti bildire.

«Federal qanuniyetke mütenasip deñişüvlerniñ kirsetilmesi sayesinde Qırım cumhuriyetinde içtimaiy ve siyasiy kerginlikniñ ögüni almaq mümkün», – denile beyanatta.

Mütenasip qanun leyhasını Qırımnıñ rusiyeli Devlet şurasınıñ spiker muavini Andrey Kozenko ve Qırım parlamentiniñ qanuniyet, devlet qurucılığı ve yerli idare meseleleri boyunca komitetiniñ reis muavini Sergey Trofimov resmiyleştirdiler.

Evel Qırımnıñ şimdiki başı Sergey Aksenov aytqanı kibi, qırımlılardan kimse ukrain pasportlarını almaycaq ve vatandaşlıqtan vazgeçmege mecbur etmeycek.

2016 senesi yanvar 1-den Rusiye vatandaşları Federal migratsion hızmetine eki vatandaşlığı olğanı aqqında bildirmege mecburlar.

XS
SM
MD
LG