Link açıqlığı

Melitopol göñüllileri Qırımnıñ vatandaşlıq qamaçavınıñ iştirakçilerini Ukraina imayecisi künü ile hayırlamağa keldiler.

Qırım.Aqiqat mühbiri bildirgeni kibi, göñülliler «Çonğar» kiriş noqtası yanında teşkil etilgen aktsiyağa keldiler.

Faaller içün Melitopol internatından resim, poçta varaqalarını, bala imzaları ile Ukraina bayrağını, tatlılıqlarnı ketirdiler.

«Sıcaq urba soradılar, kelecek afta bu istekni yerine ketirirmiz», – dey göñülli Tatyana Gatsenko.

Aytqanı kibi, faaller-göñülliler ileride de aktsiya iştirakçilerine yardım etmege tırışacaqlar.

Sentâbr 20 künü qırımtatarlarnıñ liderleri tarafından Qırımğa taba yürgen yük maşinalarınıñ qamaçavı boyunca aktsiya başlandı.

XS
SM
MD
LG