Ukraina musulmanları diniy idaresiniñ müftisi Sail İsmagilov dindaşlarnı musulman taqvimi boyunca kelgen Yılbaş ile hayırladı.
«Keçken sene ağır edi. Bizler içün Yüce Rabbiniñ sınavı edi. Tek bizler içün degil – bütün Ukraina içün. Elâk olğan dindaşlarımız bar edi, olarnı dua ile kömdik, olar aqqında unutmaymız; Qırımda adaletsizce apiske atılğanlar bar edi, dua etemiz; qaçaqlar bar edi, ümmetimiz ile birlikte olarğa yardım etken edik; bazılarımıznıñ areketlerinden közümiz qaytqan edi», – yazdı o Facebookta.
Müfti Ukraina musulmanlarını memleketniñ ğayrıdan doğuvına isse qoşmağa çağırdı. «Bizge memleketimiz içün temizlev ve azat etüv yolundan keçmek kerek. Bizni qulluqqa keri itegenlerge baqmañız. Anda kelecek yoqtır. Anda insannıñ canı yapa bilgen eñ alçaq şeylerden ğayrı bir şey yoq. Biz ögge ketmelimiz», – qayd etti o.
Said İsmagilov Qırımda yaşağan dindaşlarına «işğalniñ acele bitmesini» tilegen edi.
