Link açıqlığı

Ekspertiza oktâbr 10 künü Aqmescit civarında cansız alda tapılğan erkek Bekir Nebiyev olğanını tasdiqladı. İşbu erkek acele yardım stantsiyasınıñ hadimlerine etilgen ücümde şeklene edi.

«Nebiyevniñ şahsiyeti tasdiqlanılğan. Bunıñ ile mütehassıslar Nebiyevniñ tüfeginde ve cinayet yerinde olğan qurşunlar aynı olğanını bildirdiler», – dep bildire Qırım politsiyasınıñ matbuat hızmeti.

Cumaertesi künü, oktâbr 10-da, Aqmescit rayonında er kişiniñ cesedi tapıldı, ilk malümatlarğa köre, Aqmescitte «acele» ekimleriniñ öldürüvinde şeklengen Bekir Nebiyevge ait.

Bazarertesi künü, oktâbr 12-de, Aqmescitniñ Merkeziy rayon mahkemesi ATRniñ sabıq operatorı Eskender Nebiyevni «fevral 26 işi» boyunca eki yıl altı ayğa qadar şartlı olaraq apiske aldı.

2014 senesi fevral 26-da Qırım parlamentiniñ binası ögünde Qırımtatar Milliy Meclisi ve «Rus birliginiñ» bir qaç biñ tarafdarı toplaşqan edi. Tedbirni Meclis reisi Refat Çubarov ve «Rus birliginiñ» lideri Sergey Aksönov teşkil ettiler. Çatışmalar neticesinde eki insan elâk oldı. Rusiye Taqiqat komiteti bundan sebep cinaiy işni açtı.

Onıñ taqiqatı çerçivesinde «kütleviy numayışlarnı teşkil etüv ve iştirak etüvde şeklengen» Qırımtatar Milliy Meclisiniñ reis muavini Ahtem Çiygoz yanvar 29-da yaqalandı. Onı 2015 senesi fevral 19-ğa qadar apiske aldılar, soñra da apis müddetini mayıs 19-ğa qadar arttırdılar. Soñki apis cezası noyabr 19-da bitmek kerek.

XS
SM
MD
LG