«Qırım meselesi» halqara toplulıqnıñ kün tertibinde qalacaq, çünki Ukraina territoriyasınıñ işğali dünya qurulışınıñ problemasıdır.
Bu fikirini Qırım.Aqiqat Radiosınıñ efirinde Nikolay Kapitonenko, halqara munasebetlerniñ taqiqat merkeziniñ müdiri, KİMO dotsenti bildirdi.
«Qırım probleması dünya qurulışınıñ meselesidir, onıñ içün bu problema aqqında unutmazlar degen bir ümüt bar, Qırım işğali ile bağlı olğan telüke ve problemalar aqqında da unutmazlar», – dedi o.
Kapitonenko dey ki, dünya toplulığı Qırım işğalini afu etmez. «Rusiye ileride de bu sebepten zarar körecektir», – dey o.
Qırım Rusiye tarafından 2014 senesi fevral 20 künü işğal etildi. Ukraina Yuqarı Radası bu tarihnı yarımada işğaliniñ başlanuvı künü olaraq ilân etti.
