Aqmescitte Rusiye politsiya hadimleri saba Taras Şevçenko abidesini sarıp aldılar, mında gece Ukraina tarafdarları Ukraina imayecisi Künü munasebeti ile çeçek ketirip qoyğanlar.
Bunı «Golos Krıma» haber agentligi bildirdi.
Qırımnıñ rusiyeli akimiyetinden Kobzar abidesiniñ sarıp alınğanı ile bağlı resmiy izaatı yoq.
Şevçenko şeer bağçası ukrain faalleri içün timsaliy yer. Qırım işğalinden soñ Rusiye mahsus hızmetleri mında defalarca ukrain aktsiyalarınıñ iştirakçilerini yaqalay edi.
Ukrainada oktâbr 14 künü ilk sefer devlet seviyesinde İmayeci kününi qayd eteler. Prezident Petro Poroşenkonıñ qararına binayen, bugün Ukraina devlet müessiseleri binaları üzerinde bayraqlarnı kötere.
Qırım Rusiye tarafından 2014 senesi fevral 20 künü işğal etildi. Ukraina Yuqarı Radası bu tarihnı yarımada işğaliniñ başlanuvı künü olaraq ilân etti.
