Link açıqlığı

Qırımda Rusiye Federatsiyası musulmanlarınıñ diniy idaresi ve Rusiye müftiler şurasınıñ başı şeyh Ravil Gaynutdin oktâbr 13 künü Qırım ziyareti çerçivesinde Aqmescitte Cuma cami qurucılığını ziyaret etti ve qurucılığına para iane etti.

Bunı salı künü, oktâbr 13-de, Qırım musulmanları diniy idaresiniñ matbuat hızmeti bildirdi.

Qırım müftisi hacı Emirali Ablayev Ravil Gaynutdinni leyha vesiqaları ile, qurucılıq işleriniñ ketişatı, yarımadanıñ esas camisiniñ iç ve tış körünişi ile tanış etti.

Rusiye musulmanları şurasınıñ başı Qırım musulmanları diniy idaresiniñ başı hacı Emirali Ablayevge Aqmescitte Cuma cami qurucılığına 3 mln ruble iane etti.

«Hacı Emirali Ablayev şeyh Ravil Gaynutdinge Qırım musulmanlarına ayırğan diqqat ve destek içün minnetdarlığını bildirdi ve Qırım ve Aqyar musulmanları diniy idaresiniñ Rusiye Federatsiyasınıñ musulmanları diniy idaresi ve Rusiye müftiler şurası ile işbirlikni qıymet etkenini qayd etti.

Rusiye musulmanlarınıñ başı qırımtatarlarğa destek onıñ içün müim olğanını qayd etti.

«Din ve qan qardaşlarımız – qırımtatarlarğa destek pek müimdir. Allah yardımı ile Qırım musulmanları içün bir sıra faydalı leyhalarnı amelge keçirmege qısmet oldı», – dedi o.

Sentâbr 17 künü, Aqmescitte Cuma caminiñ qurucılığına ayırılğan Yaltinskaya soqağı, 22 adresi boyunca topraq damartısında Qırımda esas musulman ibadethanesiniñ quruluvı içün territoriyanı azırlamağa başladılar.

2011 senesi Qırımda Vasiliy Cartı baş nazir olğan vaqıtta Aqmescitte Yaltinskaya soqağı, 22 adresi boyunca Cami-Caminiñ qurucılığına kapsula qoyğan ediler.

XS
SM
MD
LG