Link açıqlığı

Felemenk taqiqatçıları: MH17 Donbass üzerinde «Buk» ile uruldı


Tjibbe Joustra, Felemenkteki Uçuşlarnıñ havfsızlığı işleri boyunca taqiqat Şurasınıñ reisi esabatnı aydınlata

Donbass üzerinde tüşürilgen Malayziya ava yollarına ait uçaq qazasını 15 ay devamında ögrengen Felemenk taqiqatçıları esabatnı aydınlattı: «Boeing» Ukraina şarqında 320 kilometr kârelik alandaki bir noqtadan «Buk» raketa kompleksi ile uruldı.

Bu Breda şeeri civarındaki arbiy ava bazasında Felemenkteki Uçuşlarnıñ havfsızlığı işleri boyunca taqiqat Şurasınıñ resmiy taqiqat neticeleri aydınlatılğanda seslendirildi.

Bu malümatnı Felemenkteki Uçuşlarnıñ havfsızlığı işleri boyunca taqiqat Şurasınıñ reisi Tjibbe Joustra aydınlattı. Zalda qısmen yañıdan tertip etilgen uçaq qoyuldı.

Taqiqat neticeleri Rusiyeniñ uçaqnı ukrain qırıcı uçağı tüşürdi kibi malümatını inkâr ete.

Aynı vaqıtta, esabatta «Buk» raketasını kim tarafından atıldı aytılmay. Bunı diger taqiqat gruppası ögrenecek, Felemenk yolbaşçılığında taqım erkânına Belçika, Malayziya, Avstraliya ve Ukraina kirmekte.

Esabatnı aydınlatmadan evel taqiqat neticelerini uçaq qazasında elâk olğanlarnıñ tuvğanlarına bildirdiler. Uçaqta olğanlar bir saniyede can berdi.

Qayd etmeli ki, oktâbr 12-de «Buklarnı» yapqan «Almaz-Antey» müessisesi Malayziya uçağı Kiyevniñ nezareti altında olğan topraqlardan tüşürildi, dep bildirdi.

Ukraina akimiyeti 2014 senesi iyül ayında MH17 sefer sayılı «Boeing-777» uçağınıñ tüşürilmesine Rusiye mahsus hızmetleriniñ alâqası bar olğanını israr ete.

«Malayziya ava yollarına» ait uçaq qazası neticesinde 298 insan elâk oldı, ekseriyeti Felemenk vatandaşı edi.

Ukraina ve Ğarp uçaq Rusiyege qoltutqan boyevikler tarafından Moskvanıñ yardımınen «Buk» kompleksi ile urulğanını isbatlağan deliller bar, dep bildirgen ediler. Boyevikler ve Rusiye bunı red eteler.

2014 senesi sentâbr ayında Felemenk Havfsızlıq şurası aydınlatqan maruzağa köre, Malayziya uçağı avada «tışarıdan kirgen yüksek energiya obyektleriniñ» mağlübiyeti neticesinde dağıldı.

XS
SM
MD
LG