Link açıqlığı

Saatnıñ esas haberi

Rusiye akimiyetinden Qırımda İslâm aliy oquv yurtunıñ açılmasına yardım etmege rica eteler


Fotoresim
Fotoresim

Yaltada keçirilgen eki künlik plenar toplaşuvlarından soñ «Qırımda İslâm tasili» halqara ilmiy-ameliy konferentsiyasınıñ iştirakçileri rezolütsiyanı qabul etip, Rusiye ve Qırım akimiyetlerinden Qırımda ilâhiyat saasında mütehassıslarnı azırlaycaq İslâm universitetiniñ açılmasına yardım etmege rica ettiler.

Bunı Qırım musulmanları Diniy idaresiniñ matbuat hızmeti bildire.

«Bundan ğayrı, konferentsiya iştirakçileri Bağçasaraydaki Zıncırlı medrese kompleksiniñ arheologik tedqiqleriniñ keçirilmesini teklif etmek, «Zıncırlı medreseniñ altın kitap fondu» elektron bazasını şekillendirmek içün kütüphane fondları, Qırım, Moskva ve Sankt-Peterburg arhivleriniñ ögrenilmesini teşkil etmek, Qırımnıñ devlet müessiselerinde «İslâmşınaslıq» bölüginiñ açılmasına isse qoşmaq müim olğanını tüşüneler», – dep aytıla beyanatta.

Konferentsiya Yaltada keçken raatlıq künleri başlandı. Onıñ maqsadı – Qırımda islâm ilimi, tasili ve maarifiniñ tarihı ile tanış olmaq, qırımtatarlarnıñ ilâhiyat ve tasil mektebiniñ ğayrıdan canlanması yollarını belgilemektir.

Konferentsiya işinde Altın Ordu ve Qırımnıñ hanlar zamanı, Tavriya güberniyası ve Qırım Muhtar Sovet Sotsialistik Cumhuriyeti devirlerinde islâm tarihınıñ mütehassısları iştirak etti.

XS
SM
MD
LG