Qırımda yaşap, Rusiye vatandaşlığını almağan Ukraina vatandaşları er kün diskriminatsiyağa oğray. Bunı oktâbr 12-de «Kiyev dialogı» konferentsiyasında uquq qorçalayıcılar Olga Skripnik ve Sergey Zayets bildirdiler.
«Qırımda berilgen Rusiye pasportı olmağan insanlarnıñ tibbiy hızmetlerden faydalanuv imkânları, hususan bedava olğan tibbiyet aqqında aytacaq olsaq, sıñırlana. Örneklerimiz bar, Rusiye vatandaşları olmağanlar belli bir hızmet alamay kibi arizalar mevcut. Bundan ğayrı, narkotik ihtiyacı olğanlarnıñ tedaviylev meseleleri bar, çünki Rusiyede Ukrainada olğan tedaviylev yoq», – dep qayd ete Olga Skripnik.
Rusiye vatandaşları olmağan qırımlılar işke kirgende de diskriminatsiyağa oğratıla, dep aytalar uquq qorçalayıcılar.
«İş ilânları, em de Rusiye pasportını almağan ya da Rusiye vatandaşlığından vazgeçken insanlar bar, olar işke kirgende ayırımğa oğraylar», – dep qayd etti Olga Skripnik.
Qırım ve Aqyar Rusiye tarafından 2014 senesi fevral 20-de işğal etildi. Ukraina Yuqarı Radası bu künni yarımadanıñ vaqtınca işğaliniñ başlanğıçı dep adladı.
