Link açıqlığı

Ukrainanıñ qırımlı yırcısı Jamala «Podıh» («Nefes») adlı yañı albomı çıqqanını bildire.

«Podıh» – munasebetler, sevgi ve ayırılıq aqqında bir albom. Menim şahsiy defterim kibi, onı soñki yıl devamında yazdım sanki. İntervyüda iç bir vaqıt aytmaycağım şeyler, yırlarda aks ettirilgen şahsiy ayat kerçekleri», – dep yazdı Jamala Facebookta.

Onıñ aytqanına köre, albomnıñ esas ğayesi – «özüni tanımaq, özüne sevgi, ayırılıq, yalıñızlıq vastasınen kelmektir».

«Sevgige inanmasañız artıq, «Podıh» ekimden berilgen bir ilâc. Sizge aytam: sevgige işanam!», – dep yaza yırcı.

Onıñ qayd etkenine köre, albomda muzıkanıñ farqlı üslüpleri mevcut – ritm-n-blüz, dram-n-beys, dauntempo, soul, elektronika i fank.

Jamala – Ukrainanıñ qırımtatar yırcısıdır, onıñ muzıkası caz, soul, elektron ve halq muzıkasını birleştire.

XS
SM
MD
LG