Link açıqlığı

Sıñırcılarnıñ suallerine eminsiz cevaplar ve separatizmge alâqa – Rusiye Federatsiyasınıñ nezareti altında olğan Qırım ile memuriy sıñırda insanlarnıñ ve maşinalarınıñ teşkerilmesiniñ esas sebebi ola bile.

Bu aqta Qırım.Aqiqat Radiosınıñ saba efirinde oktâbr 9 künü Ukraina Devlet sıñır hızmetiniñ başı muavini Оleg Slobodân bildirdi.

Onıñ sözlerine köre, vatandaşlarnıñ daa diqqatlı teşkerilmesi içün bir sıra sebep bar.

«Uquq qoruyıcılarımızda olğan malümat bazası böyle qararnıñ alınmasına qaynaq ola bile. Eger de vatandaş bu bazalarda olsa ve onıñ Ukraina territoriyasında olğan separatist areketlerine alâqası qayd etilgen olsa, elbette, vatandaşqa nisbeten nasıldır bir teren teşkerüvni keçirmek içün sebep peyda ola», – dey Slobodân.

Rusiye Qırımnı 2014 senesi işğal etkenden soñ, qıtaiy Ukraina ve yarımada arasında memuriy, amma aqiqatta kerçek sıñır peyda oldı. Qırım vaqtınca işğal etilgen territoriya olaraq ilân etilgen.

XS
SM
MD
LG