Aqmescit akimiyeti şeerniñ merkeziy soqaqlarında Frunze adına Harkov zavodında yapılğan urnalarnı qoymağa başladı, haber ete Qırım.Aqiqat mühbiri.
Zavod saytında olğan malümatqa köre, şirketniñ Rusiyede temsilciligi bar.
Çöplük urnaları ne vaqıt satın alındı ve nasıl etip Qırımğa kelip yetkeni belgisizdir.
Evel Aqmescit şeer memuriyetiniñ başı Gennadiy Baharev aytqanı kibi, 5 million rublege böyle eki biñ urnanı alıp qoyacaqlar. Aqmescit şeer memuriyetiniñ toplaşuvlarından birinci urna örnegi kösterildi.
Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.
Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.
