Rusiye Tış işler nazirligi Qırımğa halqara işbirlikniñ inkişafına yardım etmege söz bere. Bu aqta Rusiye Tış işler naziri Sergey Lavrov Qırımnıñ rusiyeli başı Sergey Aksenov ile körüşüvde bildirdi.
Nazirlikniñ matbuat hızmeti bildirgeni kibi, cumaaqşamı künü, oktâbr 8-de, Rusiye Tış işler naziri Sergey Lavrov Qırımnıñ rusiyeli başı Sergey Aksenov ile körüşüvi keçti.
«Subet devamında Qırım Cumhuriyetiniñ halqara ve tış iqtisadiy alâqaları boyunca fikirleri ile paylaştılar. Sergey Lavrov dey ki, Tış işler nazirligi ileride de cumhuriyetke ecnebiy şerikleri ile işbirlik inkişafına qol tutacaqtır», – denile beyanatta.
Qırım Rusiye tarafından 2014 senesi fevral 20 künü işğal etildi. Ukraina Yuqarı Radası bu tarihnı yarımada işğaliniñ başlanuvı künü olaraq ilân etti.
