Link açıqlığı

Saatnıñ esas haberi

Ekspert: qırımtatarlarnıñ milliy-territorial muhtariyetiniñ teşkil etilmesinden diger milletlerge telüke yoq


Qırımda qırımtatarlarnıñ milliy-territorial muhtariyetiniñ teşkil etilmesi diger millet vekilleriniñ aqlarını bozmay. Bu kibi fikirni Siyasiy taqiqatlar merkeziniñ eksperti Yuliya Tişçenko Qırım.Aqiqat Radiosınıñ efirinde bildirdi.

«Bu aqta normal munaqaşa devamında nasıldır bir qavğa ya da ruslarnıñ aqları bozulacaq kibi laflar olmamalı, menimce», – dey o.

Ekspert şunı qayd etti ki, böyle muhtariyetniñ teşkil etilmesi qırımtatar tiliniñ, medeniyetiniñ inkişafını kefil ete.

Qırımtatarlarnıñ yetekçileri yañı Anayasadа Qırımnıñ milliy-territorial muhtariyetiniñ teşkil etilmesinde israr eteler.

Ukraina prezidenti Petro Poroşenko yañı Anayasa leyhasını izaatlap, Qırım Muhtar Cumhuriyet statusını saqlaycağı aqqında bildirdi. Ukraina qırımtatarlarğa borclu olğanını ve yarımadada qırımtatar halqınıñ «milliy-territorial muhtariyet» tiklenilecegi aqqında laf yürsetti.

XS
SM
MD
LG