Qırımtatarlarnıñ milliy lideri, Ukraina halq deputatı ve prezidentniñ qırımtatar halqınıñ işlerinden vekâletlisi Mustafa Cemilev Yaltada tatası Şevkiye Asanovanıñ cenazesinde bulunıp olamay.
«Bugün Mustafa Cemilevniñ oktâbr 6 künü 82 yaşında vefat etken tatası Şevkiye Asanovanıñ cenazesi keçti. Qırım kirişi yasaq etilgeni (Rusiye Federatsiyasınıñ işğalci akimiyeti tarafından) sebebinden qırımtatarlarnıñ yetekçisi tuvğan tatasınıñ cenazesinde bile bulunıp olamay», – denile vekâletliniñ Facbeook saifesinde.
Şevkiye Asanovanı çarşenbe künü, oktâbr 7-de, Yalta Çatal-Qaya köyünde defn etecekler.
2014 senesi Qırımnıñ Rusiye akimiyeti yarımadağa qırımtatarlarnıñ yetekçisi Mustafa Cemilev, Meclis reisi Refat Çubarov, cemaat erbabı, «Qırım haberleri» agentliginiñ reberi İsmet Yükselge kirişni yasaq etti.
Çubarov kiriş yasağından soñ Qırımda babasınıñ cenazesinde bulunıp olamadı.
