Link açıqlığı

Herson vilâyetinde İçki işler nazirligi: Qırım qamaçavı «Pravıy sektor»ğa hususiy vekâletlerni bermey


Qırımnıñ «vatandaşlıq» qamaçavı çerçivesinde faaliyet «Pravıy sektor» teşkilâtınıñ temsilcilerine hususiy vekâlet berilmey, vatandaşlıq aqlarından ğayrı, dedi Qırım.Aqiqatqa Herson vilâyetiniñ idare reberiniñ muavini İlya Kiva.

«Olarnıñ vatandaşlıq aqqından başqa bir vekâlet yoq. Ukrainanıñ er bir vatandaşında olğanı kibi», – dedi Kiva.

Teşkilât temsilcileriniñ Qırım ile memuriy sıñırda maşinalarnıñ teşkerüvi boyunca talapları aqqında Kiva dey ki, «aydavcınıñ şahsy qararıdır».

«Aydavcılarğa rica eteler ve olar endi qarar ala, ya maşinalarını aça, ya açmay. Kimse kimsege emir etmey», – dedi Herson vilâyetiniñ İçki işler nazirliginiñ idare reberiniñ muavini.

Qırımnıñ «vatandaşlıq» qamaçavınıñ teşebbüsçilerinden biri, qırımtatarlarnıñ lideri Mustafa Cemilev aytqanı kibi, «Pravıy sektor» temsilcileri areketlerini qamaçav ştabı ile uyğunlaştıra.

«Vaziyet tamamınen Qırımtatar Milliy Meclisiniñ nezareti altında, bizge yardım etken «Pravıy sektor»ğa minnetdarmız», – dey Cemilev.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

Qırımnıñ rusiyeli akimiyeti böyle areketlerni takbih ete, amma yarımada sakinleri «erzaq qamaçavı»nıñ aqibetlerini duymaz, dep tüşüne.

XS
SM
MD
LG