Link açıqlığı

Qırım müftisi onıñ Meclis erkânından çıqırılması boyunca toplaşuvğa «semereli işni» tiledi


Qırım müftisi Emirali Ablayev qırımtatarlarnıñ milliy yetekçisi Mustafa Cemilevniñ bildirüvi sebebinden onı Meclis erkânından çıqarmağa qarar alacaq Qırımtatar Milliy Meclisiniñ toplaşuvına «semereli işni» tiledi.

«Müfti Mustafa ağağa sağlıq ve Allahnıñ razılığını, Meclisniñ olacaq toplaşuvına ise semereli işni tiledi», – dep bildirdiler Qırım.Aqiqatqa Qırım Musulmanları Diniy İdaresiniñ matbuat hızmetinde.

Yaqın vaqıtta Qırımtatar Milliy Meclisi temsiliy organnıñ erkânından Qırım musulmanl аrınıñ müftisi Emirali Ablayevniñ çıqarılması aqqında qarar alacaq.

Bunı Qırım.Aqiqatqa qırımtatar halqınıñ yetekçisi, halq deputatı Mustafa Cemilev, onıñ Emirali Ablayevniñ Ankarada Meclis reisi Refat Çubarov ile körüşüvinden soñ olğan mevamına munasebeti ile bağlı sualge cevap bergende ayttı.

2015 senesi avgustnıñ soñunda Ankarada Meclis başı Refat Çubarovnıñ Qırım musulmanları müftisi Emirali Ablayev ile körüşüvi keçti. İşbu körüşüvniñ neticeleri iştirakçileri tarafından farqlı tarzda añlatıldı. Çubarov Ablayev ile mündericeli subet olğanını qayd etti, soñkisi ise «qırımtatar halqınıñ Qırımdaki vaziyeti boyunca muayyen teklifler olmağanını» bildirdi. Rusiye tarafı Çubarov ve onıñ yardımcıları müftiy eyyetine ücüm etkenini bildirgen edi.

XS
SM
MD
LG