Link açıqlığı

Potapova: Qırım attestatlarını elde etken mezunlar içün dünyanıñ aliy oquv yurtlarından çoqusı qapalı


Yarımadada mezunlarğa berilgen Rusiye attestatları Ukraina ve yarımada işğalinden sebep sanktsiyalarğa qoşulğan memleketler içün vesiqa degil. Böyle mezunlar yalıñız Rusiye aliy oquv yurtlarına kire bile.

Bunı Qırım.Aqiqat Radiosınıñ saba efirinde sentâbr 7 künü «Almenda» vatandaşlıq maarif merkeziniñ tasil programmalarınıñ idarecisi Valentina Potapova bildirdi.

«Qırım attestatını alıp, o bir şey elde etmey. Bir yerde oquğanı aqqında malümat kâğıtını ala. Bu kâğıt yalıñız Rusiyede tanılacaq, başqa iç bir yerde. Ukraina ve Avropa dünyası ve sanktsiyalarğa qoşulğan diger memleketler içün vesiqa degildir», – dey Potapova.

Onıñ sözlerine köre, tasilni ukrain ya da avropalı aliy oquv yurtlarında almağa istegen Qırım attestatlarınıñ saipleri kene oquşqa kirmeli, misal içün, 9 sınıfnıñ bitirgeni aqta şeadetnamesi olğan telebe tekrar 10-11 sınıflarını bitirmek kerek.

Qırım mektepleri mezunlarınıñ çoqusı yarımada ya da Rusiye aliy oquv yurtlarına kirmege qarar ala ve ukrain aliy oquv yurtlarına vesiqalarnı bermey. Bıltır Ukraina universitetlerine yalıñız 302 qırımlı kirdi, bu sene daa da az. Sebep – ukrain vesiqalarınıñ elde etüv ketişatınıñ qıyın olmasıdır.

Qırım Rusiye tarafından 2014 senesi fevral 20 künü işğal etilgen. Ukraina Yuqarı Şurası bu tarihnı yarımadanıñ muvaqqat işğaliniñ başlanuvı olaraq belgiley.

XS
SM
MD
LG