Link açıqlığı

Aqmescitte Merkeziy çarşınıñ tamiri çarşı isarı altında faal ticaretni alıp barğan satıcılarnı quva.

Qırım.Aqiqat mühbiri bildirgeni kibi, satıcılarnı çarşı kirişinde meyva ve sebzeler satılğan meydançıqtan tamir manaçığı ile quvıp yiberdiler. Kirişni isar ile qapattılar. Onıñ yanında «ticariy sıralar» peyda olmağa başladı.

Bazıları sebzelerni maşinalardan sata, politsiya kelse, tez malnı yüklep, ketmege çareleri olsun dep, digerleri Amet-han Sultan meydanına avuştı.

Satıcılarnıñ aytqanı kibi, çarşı içerisinde kira parası paalı olğanı ve bir sıra vesiqanıñ kerek olğanı sebebinden çalışıp olamaylar.

Aqmescitte Merkeziy çarşı etrafında demir isarı avgust 20 künü peyda oldı. Aqmescit memuriyetinde bildirilgeni kibi, onı qanunsız ticaretni toqtatmaq maqsadınen qoyğanlar.​

XS
SM
MD
LG