Link açıqlığı

Rusiye Federatsiyası tarafından işğal etilgen Qırımğa nisbeten Ğarpnıñ sanktsiyaları territoriyanıñ Ukraina nezareti altına qaytarılmasına qadar saqlanılacaq. Bunı AQŞ Avropa ve Yevraziya meseleleriden devlet kâtibiniñ yardımcısı Viktoriya Nuland bildirdi.

«Qırım sanktsiyaları işğali devam etkenine qadar saqlanılacaq», – dedi o.

Evel Nuland bildirgeni kibi, Rusiye 2014 senesi baar ayından işğal etken Qırım boyunca Ukraina ile muzakerelerni keçirmek imkâniyetini iç bir vaqıt qullanmay edi.

Qırım Rusiye tarafından 2014 senesi fevral 20 künü işğal etilgen. Ukraina Yuqarı Şurası bu tarihnı yarımadanıñ muvaqqat işğaliniñ başlanuvı olaraq belgiley.

XS
SM
MD
LG