Link açıqlığı

Saatnıñ esas haberi

Herson vilâyet devlet memuriyeti: kiriş noqtalarında Qırım qamaçavı maqsadı ile 500 insan nevbette tura


Herson vilâyeti Qırım ile memuriy sıñırdaki kiriş noqtalarında yarımadanıñ «erzaq» qamaçavınıñ 500 faali nevbette tura, dep bildirile vilâyet devlet memuriyetiniñ saytında.

«İştirakçilerniñ eñ büyük qısmı «Çonğar» kiriş noqtasında buluna. Qırımtatarlarnıñ, cemaatçılıqnıñ, «Pravıy sektor», «Azov», «Donbass», «Aydar», «Hort» batalyonlarınıñ temsilcileri», – denile beyanatta.

Malümatqa köre, «Çonğar» kiriş noqtası yanında çadırlar qoyuldı. Nevbetçi faallerniñ qızdıruvı içün çapçaqlar ketirildi. Elektrik energiyası ile mesele al etile.

Herson vilâyet devlet memuriyetiniñ reisi Andrey Putilov bildirgeni kibi, Herson vilâyetinde kiriş-çıqış nezaret noqtalarında vaziyet sakin.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

Qırımnıñ rusiyeli akimiyeti böyle areketlerni takbih ete, amma yarımada sakinleri «erzaq qamaçavı»nıñ aqibetlerini duymaz, dep tüşüne.

XS
SM
MD
LG