Link açıqlığı

Kiva: gece Herson vilâyetinde Qırımğa energiyanı bergen tiremeni bozdılar


Herson vilâyetiniñ İçki işler nazirligi idaresiniñ başı muavini İlya Kiva bildirgeni kibi, Qırımğa elektrikanı bergen tiremeniñ bozğanlar.

«Bugün işğal etilgen Qırımğa elektrik energiyasını bergen yüksek kerginlikli tireme bozuldı. Taqiqat gruppası çalışa, Fevqulâde işler nazirligi keldi, territoriya «Herson» batalyonı tarafından sarıp alınğan. Vaziyet nezaret etile», – yazdı o Facebookta.

Tafsilâtlı malümat şimdilik bildirilmey.

Evel Qırımtatar Milliy Meclisiniñ başı Refat Çubarov Qırımnıñ «erzaq» qamaçavından soñ energetik qurşavı ola bilecegi aqqında bildirgen edi.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Qamaçav teşebbüsçileri degeni kibi, ukrain şirketleri Qırım ile ticariy munasebetni toqtatmaq kerek, çünki yarımada territoriyası Rusiye Federatsiyası tarafından işğal etilgen. Teşkilâtçılarnıñ malümatına köre, olarnıñ talapları yerine ketirilmegence, qamaçavnı toqtatmaycaqlar, yani siyasiy mabüslerniñ azat etilmesi, mustaqil matbuat vastalarına basqı kösterilmemesi, yarımadağa halqara nezaretçilerniñ kelmesi, qırımtatarlarğa qarşı areketlerniñ toqtatılması ve ilâhre.

Qırımnıñ rusiyeli akimiyeti böyle areketlerni takbih ete, amma yarımada sakinleri «erzaq qamaçavı»nıñ aqibetlerini duymaz, dep tüşüne.

XS
SM
MD
LG