Link açıqlığı

Saatnıñ esas haberi

Minsk añlaşmaları yalıñız Donbassqa ait, Qırım bu çerivede muzakere etilmey, amma kün tertibinde qala. Bunı Ukraina prezidenti memuriyetiniñ başı muavini Konstantin Yeliseyev bildirdi, haber ete İnterfaks-Ukraina.

«Minsk añlaşmaları – yalıñız Donbass aqqında. Yani, söz Donbassta vaziyetniñ bir nizamğa ketirilmesi ve Donbassqa Ukraina mustaqilliginiñ barışıq sürette qaytarılması aqqında kete. Qırımğa kelgende, bu ayrı bir ikâye», – dedi Yeliseyev oktâbr 5 künü brifingde.

Onıñ sözlerine köre, «Donbass – Qırımnıñ Ukraina mustaqilligi altına qaytarılması içün azırlıq basamağıdır».

«Donbasssız qalsaq, Ukrainağa Qırımnıñ qaytarılmasını nasıl talap etecekmiz», – dey o.

Qırım Rusiye tarafından 2014 senesi fevral 20 künü işğal etilgen. Ukraina Yuqarı Şurası bu tarihnı yarımadanıñ muvaqqat işğaliniñ başlanuvı olaraq belgiley.

XS
SM
MD
LG