Link açıqlığı

Qırımnı qıtaiy Rusiye ile bağlağan Keriç boğazından qurulacaq inşaatnıñ işançlılığı mütehassıslranıñ şübesini doğura. Şu cümleden, ekspertler köpürniñ leyhası üzerinde yapılğan işniñ bozuluvlarnı qayd eteler.

Bunı Qırım.Aqiqat Radiosınıñ aqşam efirinde oktâbr 5 künü tehnikiy ilimler namzeti, Ukraina qurucılığı akademiyasınıñ azası Petro Koval bildirdi.

«Bu köpür işançlı olurmı degen sual tura. Şimdi Rusiyede köpür qurucılarınıñ areketlerine baqsaq, sanki Dal printsipine köre çalışalar dersiñ: belki, ğaliba ve nasıldır rus yolunı yaparlar», – dey o.

Aytqanı kibi, şimdi qurucılıqnıñ esas ümdeleri bozula.

«Köpürniñ işançlığını kefil etken protsessler bar. Yani, araştırma, variantlarnıñ işlep çıqarıluvı, mahsus ekspertizadan keçüv. Tek bundan soñ qurucılıq başlana. Amma, bilgenime köre, Rusiyede bu ketişatnı bozğan qanunlar qabul eildi. Yani başta qurmağa, soñra olğanını resmiyleştirmege izin berile. Al-azırda leyha da yoq», – dey ekspert.

O emindir, Keriç boğazından köpürniñ acele qurucılığı siyasiy sebeplerden yapıla.

Keriç boğazından köpür olmasınıñ zaruriyeti aqqında Rusiye prezidenti Vladimir Putin 2014 senesi mart 19-da bildirdi.

XS
SM
MD
LG