Qırımğa «erzaq» qamaçavınıñ başlanmasından soñ qıtaiy Ukrainadan iç bir maşina kirmedi. Bunı Herson vilâyet militsiyası reberiniñ muavini İlya Kiva Qırım.Aqiqatqa bildirdi.
«Qamaçavnıñ başlamansından soñ iç bir yük maşinası işğal etilgen Qırım ile memuriy sıñırdan keçmedi», – dedi o.
Kiva Rosselhoznadzornıñ Qırımğa qıtaiy Ukrainadan tek ösümliklerden yapılğan mahsulatnıñ ketirilmemesi aqqında malümatını «nevbetteki yalan» olaraq adladı.
«Bu destabilizatsiya ve Rusiye Federatsiyasınıñ işğalci ordularınıñ yalanı. Ve böyle alda bu kibi bildirüvlerge seslenmege – olarnıñ yapqanlarına qoşumlaqtır», – dedi o.
Ukraina Devlet sıñır hızmetiniñ spikeri Oleg Slobodân bildirgeni kibi, «Rusiyeniñ mahsus hızmetleri Qırımnıñ qamaçavını yamanlamağa tırışalar».
Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler. Afta devamında Qırım ile memuriy sıñırdan bir yük maşinası bile keçmedi.
