Link açıqlığı

«Porsche» maşinası «erzaq» qamaçavı faalleriniñ blokpostını körmemezlikke urmağa areket etti


Oktâbr 4 künü Herson vilâyeti ve işğal etilgen Qırım ile arasında memuriy sıñırda, Çonğar kiriş noqtasında, Qırım qamaçavınıñ faalleri «Porsche» maşinasını toqtattılar.

Bunı Qırım.Aqiqat mühbirine Pravıy sektornıñ azalarından biri bildirdi. Saat 17:00 ukrain nomeraları ile maşina aydavcısı işğal etilgen yarımadağa kiriş sistemasını körmemezlikke urıp, blokposttan keçecek edi. Faaller demir ağını köterdi, bundan sebep «Porsche» köpçekleri teşildi ve maşina artıq areket etip olamadı.

Maşinada Rusiye Federatsiyasınıñ pasportları olğan eki yolcu bar edi. Faaller militsiya hadimlerini çağırdı.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler. Afta devamında Qırım ile memuriy sıñırdan bir yük maşinası bile keçmedi.

XS
SM
MD
LG