Link açıqlığı

Donetsk ve Lugansk vilâyetlerinde ziddiyetniñ barışıq sürette tertipke ketirilmesinde nevbetteki adım – «Ukrainanıñ başta Donbass, soñra Qırımga qaytarılması»dır. Bunı Ukraina prezidenti Petro Poroşenko «normand dörtü» toplaşuvı neticesinde ukrain telekanallarına bildirdi.

Poroşenkonıñ qayd etkeni kibi, «ukrain qanuniyetine köre saylavlarsız, siyasiy qararsız, ordularnıñ çıqarluvı, ukrain matbuat vastalarınıñ qaytarılması, ukrain firqaları faaliyetiniñ pekitilmesi olmadan, Donbassqa ukrain mustaqilligini qaytarmağa imkân yoq».

«Men kesen-kes, Anayasa kefili ve Ukraina prezidenti olaraq, ukrain toprağınıñ er bir qısmı içün küreşecegim. Birinci – Donbass, soñra – Qırım», – dey o.

Pariste oktâbr 2 künü keçirilgen muzakerelerniñ esas neticesi olaraq prezident «ateş toqtatılması rejiminden barışıqqa keçmesini» adladı.

Qırım Rusiye tarafından 2014 senesi fevral 20 künü işğal etilgen. Ukraina Yuqarı Şurası bu tarihnı yarımadanıñ muvaqqat işğaliniñ başlanuvı olaraq belgiley.

XS
SM
MD
LG