Link açıqlığı

Qırımda dekkomunizatsiya aqqında ukrain qanuniyetiniñ çerçivesinde 70 meskün yerniñ adını deñiştirecek olalar.

Bu aqta oktâbr 2 künü Qırım.Aqiqat Radiosınıñ efirinde Ukraina Milliy hatıra institutınıñ idare reberiniñ muavini Sergey Gromenko bildirdi.

Aytqanına köre, ukrain parlamenti Qırım toponimikasını noyabr 21-den deñiştirecek.

«Noyabr 21-den Yuqarı Rada istegeni kibi deñiştire bilecek. O tarihiy adlarnı deñiştirmek niyetindedir», – dedi o.

Gromenko şunı qayd etti ki, buña Qırımnıñ rusiyeli akimiyetiniñ Qırım toponimikasınıñ deñiştirilüvi aqqında qararı keder etmez.

«Ukrain tarafından zaruriy vesiqalarnı deñiştirirler… Qırım işğalden azat etilgende, yuridik şahıslarnıñ adreslerinde ufaq-tüfek şeylerni deñiştirmege kerek olacaq», – dedi o ve esasen yarımadadan qırımtatarlarnıñ sürgünliginden еvel olğan adlarnıñ qaytarılması aqqında söz ketkenini qoştı.

Tarihçınıñ sözlerine köre, Komsomolskoye, Çapayevka, Oktâbrskoye, Lenino, Pionerskoye, Komsomolskoye, Gvardeyskoye qasabaları, Krasnoperekopsk şeeriniñ adları deñiştirilecek. Bunıñ ile bir yedi meskün yerge yap-yañı adlarnı bermege kerek olur, çünki tarihiy adları yoqtır.

Qırım Rusiye tarafından 2014 senesi fevral 20 künü işğal etilgen. Ukraina Yuqarı Şurası bu tarihnı yarımadanıñ muvaqqat işğaliniñ başlanuvı olaraq belgiley.

XS
SM
MD
LG