Ukrainada Qırımğa halqara cezalarnıñ bozuluvı ile kirgen çetel gemilerini tevqif etüv ameliyatını tarqatmağa çalışalar. Bu aqta Qırım.Aqiqat Radiosınıñ saba efirinde Qırım iqtisatçısı, «Tış işler maydanı» fondunıñ eksperti Yuriy Smelânskiy bildirdi.
«Devletniñ mütenasip strukturaları bu ameliyatnı çetel limanlarına tarqatmağa çalışalar», – dedi o.
Qırım ve Aqyar boyunca FSB sıñır idaresiniñ malümatına köre, bu sene başından Qırım limanlarına bir 300 çetel gemisi kirdi – Romaniya, Almaniya, Yunanistan, Türkiye, Poloniya, Bulğaristan, Aqrusiye, Ermenistan ve Ukrainadan.
Smelânskiyniñ sözlerine binayen, Qırım limanlarına kirgen eki ukrain gemisi tevqif etildi.
Qırım Rusiye tarafından 2014 senesi fevral 20 künü işğal etilgen. Ukraina Yuqarı Şurası bu tarihnı yarımadanıñ muvaqqat işğaliniñ başlanuvı olaraq belgiley.
