Link açıqlığı

Rusiye İç işler nazirliginiñ Qırım baş idaresinde Qırımnıñ birinci prezidenti Yuriy Meşkovnıñ Qırımnıñ rusiyeli ükümetiniñ şimidiki başı Sergey Aksenovnıñ cinaiy keçmişi aqqında malümatnı izaatlamağa istemeyler.

Bu aqta Qırım.Aqiqatqa Rusiye İç işler nazirliginiñ Qırım baş idaresiniñ matbuat hızmetiniñ başı Оlga Kondraşova bildirdi.

«Haberim yoq, bunı aytqan Yuriy Meşkovğa muracaat etmege tevsiye etem. Bizde bu aqta izaat yoq», – dedi o.

Qırımnıñ birinci prezidenti Yuriy Meşkov Qırımnıñ şimdiki başı Sergey Aksenovnıñ cinaiy keçmişi ve 90-ncı seneleri – 2000 seneleri başında Ukraina uquq qoruyıcı organları ile işbirligini isbatlağan vesiqalarnı aşkâr etti.

Evel Aksenovnıñ cinaiy keçmişi aqqında 6 ve 7 çağıruvlarınıñ halq deputatı Andrey Sençenko bildirgen edi.

Aksenovnıñ tarafından işbu malümat ile bağlı izaat şimdilik yoqtır.

XS
SM
MD
LG