Link açıqlığı

Saatnıñ esas haberi

Qırımnıñ birinci prezidenti Meşkov Aksenovnıñ cinaiy keçmişi aqqında vesiqalarnı aşkâr etti


Qırımnıñ birinci prezidenti Yuriy Meşkov Qırımnıñ şimdiki başı Sergey Aksenovnıñ sanki dersiñ cinaiy keçmişi ve 90-ncı seneleri – 2000 seneleri başında Ukraina uquq qoruyıcı organları ile işbirligini isbatlağan vesiqalarnı aşkâr etti.

«Olar (vesiqalar – QA) Qırım cumhuriyetiniñ şimdiki başı Sergey Aksenov evel nenen oğraşqanını aydınlata. İşbu delillerni diqqat ile ögrendim… «Goblinniñ» qazançlarını ögrendim, ayrette qaldım – sımarlanğan öldürüvler, cinaiy taqımlarda iştirak ve ilâhre», – yazdı Meşkov Facebookta.

Şu cümleden, Meşkov Aksenovnıñ ve 1997 – 2000 seneleri Qırım millitsiyasınıñ başı ve Ukraina içki işler naziriniñ muavini olğan Gennadiy Moskal ile işbirligine diqqat ete.

Aksenov ve Moskalniñ işbirliginiñ delili olaraq Meşkov Qırımnıñ 321 insandan, esasen, Ukraina halq deputatlarından ibaret olğan «non-grata» şahıslarınıñ cedvelinde Gennadiy Moskalniñ adı olmağanını qayd ete.

Evel Aksenovnıñ cinaiy keçmişi aqqında 6 ve 7 çağıruvlarınıñ halq deputatı Andrey Sençenko bildirgen edi. «TSN» televizion haber hızmeti 2014 senesi mart ayında bildirgeni kibi, Sergey Aksenov siyasetke 90-ncı seneleri tesis etken biznesinden kelgen eken.

Aksenovnıñ tarafından işbu malümat ile bağlı izaat şimdilik yoqtır, Qırım.Aqiqat Qırımnıñ rusiyeli ükümetinden bu aqta izaatnı almağa tırışa.

XS
SM
MD
LG