Link açıqlığı

Qırım ekimleriniñ dernegi ve zenaat birligi elâk olğan ve yaralanğan tibbiyet adamlarınıñ ailelerine aqça toplay


Qırım ekimleriniñ dernegi ve sağlıq saqlav hadimleriniñ zenaat birligi «acele» yardımğa açılğan atış neticesinde elâk olğan ve yaralanğan tibbiyet adamlarınıñ ailelerine aqça toplamağa başladı. Bu aqta cumaaqşamı künü, oktâbr 1-de, Qırımnıñ sağlıq saqlav nazirliginiñ matbuat hızmeti bildire.

Mında deyler ki, bu maqsat ile Rusiye milliy ticaret bankında esabat açılğan.

Cumaertesi künü, sentâbr 26-da, av tüfegi ile silâlanğan erkek Aqmescitte Sevastopolskaya soqağında yerleşken «acele» yardım binasına kirip, hastahaneniñ dört hadimine ateş açtı. Eki hadim elâk oldı. Yaralanğan feldşer bazar kününe keçer gecesi ameliyattan keçti, alı ağır. Ücüm etici vaqia yerinden maşinağa oturıp qaçtı. Birazdan uquq qoruyıcıları bildirgeni kibi, ücüm etken – Aqmescit sakini 1960 senesi doğğan Bekir Nebiyevdir. Qıdıruv alıp barıla.

Qırım boyunca Rusiye Federatsiyasınıñ Taqiqat komitetiniñ baş idaresi Rusiye Cinaiy Kodeksiniñ 105 maddesi 2-nci qısmına binayen cinaiy işni açtı (eki ve ziyade insannıñ öldürilmesi).

Sentâbr 29 künü Rusiye İçki işler nazirligi şeklengen insannıñ bulunuv yeri aqqında bildirgen insanğa 500 biñ ruble vade etti.

XS
SM
MD
LG