Link açıqlığı

Qırımnıñ rus Devlet şurasınıñ başı Vladimir Konstantinov dey ki, yarımada sakinleriniñ kündelik meseleleri ile meşğul olğan tınç bir subyekttir.

«Bugün Qırım Avropada qozğaltıcı faktor degildir. Yarımada – tınç bir territoriya olğanı bellidir artıq, insanlar añlı sürette saylavını ete ve ondan közleri qaytmay. Rusiye Federatsiyasınıñ barışıq subyekti, sakinleriniñ kündelik problemalarınıñ al etilmesi ile meşğuldir», – yazdı o Facebookta.

Konstantinov kene şunı qayd etti ki, onıñ saylayıcılar ile körüşüvi vaqtında «Ukraina aqqında kimse hatırlamay, sanki iç bir vaqıt anda yaşamay ediler».

Ukraina Yuqarı Şurası 2014 senesi fevral 20 kününi Qırımnıñ muvaqqat işğaliniñ başlanuv tarihı olaraq ilân etti. 2014 senesi fevralniñ soñunda martnıñ başında Rusiyeden ve Rusiye Qara deñiz flotunıñ Qırım bölüklerinden atılğan ordular Qırım yarımadasını işğal ettiler.

2014 senesi mart 16 künü Qırım ve Aqyarda yarımadanıñ statusı aqqında «referendum» keçirildi. Onıñ neticesinde Rusiye Qırımnı öz terkibine qoştı. Ne Ukraina, ne Avropa birligi, ne de AQŞ neticelerni tanıdı ve bunı Rusiye tarafından Qırımnıñ işğali olaraq sayalar.

XS
SM
MD
LG