Qırım qamaçavından sebep Ukrainada Rusiye tarafından kösterilgen istilâ artmaz. Bunı Qırım.Aqiqatqa Ukraina halq deputatı, «İnformatsion qarşılıq» gruppasınıñ yolbaşçısı Dmitriy Tımçuk bildirdi.
«Ukraina Qırımnıñ tam qamaçavını ilân etse, Qara deñiz flotu Ukrainağa qarşı ameliyatqa başlar dep aytmağa kerekmey. Şübelenem. Pütin Ukrainada açıq istilânıñ er angi şekline azır olsa edi, çoqtan yapar edi, menimce, Donbassta ordularını saqlamaz edi. Aynı zamanda, siyasiy ceetten, tam qamaçav zarurdır dep belleyim», – qayd etti Tımçuk.
Halq deputatı yarımadanıñ em erzaq, em energetik qamaçavına qol tuttı.
Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler. Afta devamında Qırım ile memuriy sıñırdan bir yük maşinası bile keçmedi.
