Qırımnıñ rusiyeli ükümetiniñ iç siyaset, haber ve alâqa naziri Dmitiry Polonskiy Varşavada ОSCE toplaşuvında iştirak ete.
Bu aqta nazirlikniñ matbuat hızmeti bildire.
«Bugün forumda Qırım Rusiye Federatsiyası ile birleşkeni sayesinde olğan müim netice – Qırım Cumhuriyetinde milletlerara barışıq ve amanlıq aqqında tarif etecegim», – dey Polonskiy.
O şunı da qayd etti ki, ОSCE nevbetteki toplaşuvında «Qırımnıñ Rusiye cemiyeti» teşkilâtını prezidium azası olaraq temsil ete .
Polonsiky dey ki, eyyet forum işinde sentâbr 30 ve oktâbr 1 künü iştirak etecek.
Evel Poloniya memleket kirişini Qırımnıñ diger rusiyeli baş nazir muavini Georgiy Muradovğa yasaqladı. Qırmınıñ şimdiki başı Sergey Aksenov bunı halqara ameliyatnıñ bozuluvı olaraq adladı.
Qırım.Aqiqat Polonskiyniñ Varşavadaki konferentsiyada iştirak aqta ukrain resmiy organlarınıñ izaatını elde etmege tırışa.
