«Çonğarda Qırım maydanında» – yarımada ile memuriy sıñırdaki «Çonğar» kiriş noqtası rayonında Qırımnıñ «erzaq qamaçavı» keçirilgen territoriyada – ukrain askerleri içün maskalav kiyim ve ağlarnı öreler.
Qırım.Aqqat mühbirine «Energodarsk biyleri» (Zaporojye vilâyeti) faalleriniñ idarecisi Andrey Perepelka degeni kibi, «Çonğar»ğa ağlarnıñ örülmesi içün bütün kerek olğan şeylerni ketirdiler.
«Mında insan pek çoq, olarnıñ yedegini qullanmaq içün, ağlarnıñ örülmesi içün çerçivelerni ketirdik. Mında insanlarnı ağlarnıñ örülmesine celp etmege mümkün olğanını tüşünemiz», – dey o.
Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler. Afta devamında Qırım ile memuriy sıñırdan bir yük maşinası bile keçmedi.
