Link açıqlığı

Yuqarı Şuranı vaqtınca işğal etilgen territoriyalarnıñ tam qamaçavını ilân etmege çağıralar


Ukraina Yuqarı Şurasında vaqtınca işğal etilgen territoriyalarnıñ tam qamaçavı aqqında qanun leyhası qayd etilgen.

Vesiqa müellifi – Oleg Lâşkonıñ Radikal firqasından Dmitriy Linko demiryol, avtobus ve yük maşinalarınıñ areketini qapatmağa teklif ete. Yuqarı Rada saytında qanun leyhasınıñ metni yoq.

Sentâbr 20 künü Qırımğa aşayt malları ile qatnağan yük maşinalarınıñ qamaçavı boyunca Qırımtatar Milliy Meclisiniñ aktsiyası başlandı. Aktsiya idare şurasınıñ malümatına köre, memuriy sıñırdan yolcular ve yengil naqliyat maniasız keçecektirler.

Afta devamında Qırım ile memuriy sıñırdan bir yük maşinası bile keçmedi.

Bundan da ğayrı, sentâbr 25 künü Ukraina Nazirler kabineti Ukrainada bir qaç Rusiye ava şirketleriniñ uçuşlarını yasaq etti. Cevap olaraq Rusiye de ukrain şirketlerine oktâbr 25-den uçuşlarını yasaqladı.

XS
SM
MD
LG