Link açıqlığı

Kiyevde «Ukrain Ekinci cian cenki» sergisinde ayrı stend qırımtatarlarnıñ sürgünligine bağışlanğan


Kiyevde «Ukrain Ekinci cian cenki» sergisinde ayrı stend qırımtatarlarnıñ 1944 senesi Qırımdan sürgünligine bağışlanğan.

Leyha Milliy hatıra ukrain institutı ve Azatlıq areketiniñ taqiqat merkezi tarafından teşkil etilgen, maqsadı – Ukrainanı, ukrainlerniñ Ekinci cian cenkindeki rolü, natsizm üzerinde olğan ğalebede ukrainlerniñ issesini köstermek.

İşbu sergi Ekinci cian cenkniñ bir çoq bilinmegen saifesini aça, dey Milliy hatıra institutınıñ müdiri Vladimir Vâtroviç, çünki ukrainlerniñ o vaqıt öz devleti yoq edi.

«Biz Ukraina territoriyasında keçken Ekinci cian cenkiniñ er tarafını, ukrainlerniñ iştirakini köstemerege istedik. Altıncı ordu erkânında işbu cenkniñ iştirakçileri olğan ukrainler aqqında, vatandaşlıq ealisi arasında millionlarce zarar körgen ukrainler aqqında söz kete. Esas vazifemiz – birinciden, cenk aqqında olğan nice sovet efsaneleriniñ yalan olğanını köstermek. Rusiyeniñ zemaneviy teşviqatı işbu efsenelerini insanlarnı Ukrainağa qarşı küreşke çağırmaq içün qullana», – dey Vâtroviç.

Sentâbr başında sergi Lvivde Naşirler forumı çerçivesinde keçti. Onı Çerkassı ve Odessada köstermege planlaştıralar. Kiyevde sergi şeer devlet memuriyeti ögündeki meydanda oktâbr 6-na qadar keçe.

XS
SM
MD
LG