Aqmescitte belgisiz şahıslar Cuma Caminiñ qurulacaq yerindeki isarlarda asılğan levhalarnı boya ile kirletti ve yırtıp qoydılar.
Vaqia bazar kününe keçer gecesi olğandır, çünki bu cumaertesi künü levhalar bozulmağan edi, haber ete Qırım.Aqiqat mühbiri. İsarda Cuma Caminiñ resimleri qurucılıq işleriniñ başlanuvı arfesinde asıldı.
Uquq qoruyıcı organlarınıñ bu aqta beyanatı daa yoq.
Qırım.Aqiqat bildirgeni kibi, sentâbr 25-de, Qurban bayramnıñ ekinci künü, Aqmescitte Qırımnıñ Cuma Camisiniñ qurucılığı başlandı. Tedbirde Qırım akimiyeti, din ve cemaat erbapları iştirak etti. Camini üç yıl içinde qurmaq niyetindeler. Qurucılıqnı Türkiye şirketi alıp baracaq.
