Link açıqlığı

Uquq qoruyıcı: Aqmescit civarında yerleşken köy eki kündir arbiyler tarafından sarıp alınğan


Qırımtatar halqınıñ aq-uquqlarını qorçalav komitetiniñ idarecisi, Meclis azası Eskender Bariyev yerli sakinlerge esaslanıp, Aqmescit rayonı Acı Qal (Çistenkoye) köyü eki kündir arbiyler tarafından sarıp alınğanı aqqında bildire.

«Aqmescit rayonı Acı Qal köyü eki kündir silâlı arbiyler tarafından sarıp alınğandır», – dey Bariyev.

Aqmecsit rayonı Acı Qal (Çistenkoye) köyünde silâlı ve kamuflâjlı insanlar , sentâbr 28 künü saba toplanğan edi. Politsiya Aqmescitte tibbiyet adamlarını öldürgen insannı qıdırıp, ev, azbar, anbarlarnı tintey edi.

Rusiye politsiyasınıñ hadimleri köylülerge bunı raatlıq künü olğan vaqia ile añlatalar. Uquq qoruyıcılarnıñ aytqanı kibi, şeklengen şahıs Acı Qal yanında saqlana bile.

Cumaertesi künü, sentâbr 26-da, av tüfegi ile silâlanğan erkek Aqmescitte Sevastopolskaya soqağında yerleşken «acele» yardım binasına kirip, hastahaneniñ dört hadimine ateş açtı. Eki hadim elâk oldı. Yaralanğan feldşer bazar kününe keçer gecesi ameliyattan keçti, alı ağır. Ücüm etici vaqia yerinden maşinağa oturıp qaçtı. Birazdan uquq qoruyıcıları bildirgeni kibi, ücüm etken – Aqmescit sakini 1960 senesi doğğan Bekir Nebiyevdir. Qıdıruv alıp barıla.

Qırım boyunca Rusiye Federatsiyasınıñ Taqiqat komitetiniñ baş idaresi Rusiye Cinaiy Kodeksiniñ 105 maddesi 2-nci qısmına binayen cinaiy işni açtı (eki ve ziyade insannıñ öldürilmesi).

XS
SM
MD
LG